Tuesday, 31 March 2020

Pandra ero whei ow cül ? Neil (SWF L tg)

Pele ero whei ow spendya an termyn clôs-ma ? Ha pandra ero whei ow cül gen agas termyn ? Ero whei spendya an termyn-ma gen pobel erol ? Eus whel dhis ? Ero whei ow lavürya adhia pell dre an kesrosweyth ? Ero whei ow lavürya whath en shoppa , pò clojy pò bargen tir , pò gweythva boos pò negys pòrresys aral na veu degëys ? Ero whei ow sedha derag an tele/pellwolok heb gwil tra veth ? Ero whei ow lavürya et agas lowarh gas honan - ow palas ha gonis has ha shapya an prysk ? Kens hedna, eus lowarh dhis ? Ma meur a bobel ow spendya an dedhyow-ma en radnjy vian / flatt bian pò caravan pò chei gwayadow. Eus hobby dhis a ellowgh gwil e'n chei ? Ew da genowgh pobas ha fittya boos ? Erow whei ow cül neptra rag as y/ehes ? ... Sport, gwariow, excercîsys, yoga ? Ero whei ow tonsya an tango e'n gegin pò cana a'n veister ? Ero whei ow tackya gas diwla dhe lawdya  an NHS hag oll a' re-na üjy ow cül a-dro dhe gan y/ehes ha gan sawder ? Gerowgh nei dhe wodhvos agas nowodhow ? Ha, lavarowgh dhen, fatel a geno whei ? Eus genowgh gas y/ehes ?

Ma lies tra dhe wil e'n chei. Kewgh dhe weles Matthi òbma. https://www.youtube.com/user/KernowPods

Notes: Pele ero whei ? = SWF M ple esowgh hwi ~ why ? ; The particle ow may also be written o in SWF L ; Yehes may also be written ehes. The y is silent in L ; There are two forms of the verb to do or make : gwil and gül. The present continuous is written ow cül or ow kil in SWF L.

2 comments:

  1. Theroma o lavurya et an chei vy. Nag eus whel gwir dhebm bes theroma o qweres tus erel gen nebes tacklow ha ma anjei o rei dhebm nebes mona rag hedna. Ma an kescoweth vy o lavurya et an keth rom gena vy 'della nag oma gen ow honan. Ma ev o lavurya rag tus a ujy gwul daffar rag an jynnow-amontya. Thew da ganjo fittya boos ha theroma o qwul an lestry. Terweythyow ero nei o moas dhe'n shop rag cawas boos. Ma ev o ponya hag o seny y gitar, ha theroma o seny an piano. Nag ew pur dihevel ort an termyn kens ragov vy, bes ma whans dhebm moas neb le pecarra an sinema po neb tre aral. Pur vian ew gan chei. Bes ma gan eghes dhe nei, e'n gwella pres.

    ReplyDelete
  2. Res yw dhybm lafurya😭. "Key worker" yth of. Me a garsa bos Gen ow teylu vy. Yma ow flehes vy ow deryvas dhybm "na yllyn nei remembra tasek drerason y bos dhe yn mes an jei yn fenough"😩.

    ReplyDelete