Sunday, 3 February 2019

Pandra ew an Academy Kernôwek ?

Ma marth dhebm clowes Kernôwegoryon na wörans whath pandra ew an Academy Kernôwek.* Besy ew nei oll dhe wödhvos ha kebmer parth et y whel rag sostena bownans gan tavas hedhyw hag avorow. Ottobma dhewgh versyon KB an peth a veu scrifys a-dro dhodho war y wiasva.


Thew an Academy Kernôwek aswonys gen Consel Kernow avel an awctorita uhelha ow tochya an tavas Kernôwek. Thew dever an Academy Kernôwek provia geryow nowydh ha henwyn teleryow ha stretys e’n tavas, a dhetermya an spellyans ha leveryans own ragtho, a barüsy an gerlever Kernôwek hag a stüdhya an tavas ha’y lien. Thew esely an Academi radnys (rydnys) en pajar bagas hag eth ew devar pub bagas omgemeres rag üdn part a whel an Academy.

*SWF Main Graphs: Akademi Kernowek