Sunday, 11 October 2015

Kernow King

Ew hebma cres a'n bes?
Ottobma dhewgh keveren dhe wiasva an paper-nowodhow The Guardian. Ena whei a vedn cawas nebes geryow für dro dhe Consel Kernow a veu scrifys gen Kernow King. Spladn, Splann, spladna, splanna!!! Thew onen an gwella scrifow besca a wrüga vy redya dro dhe blas agan tavas Kernôwek e'n bes hedhyw. Ma an King o mires tûa'n termyn a vedn doas ha styrrya gan towl rag Kernôwek der vaner opyn ha wheg dhe'n redyoryon tre ha pelha. Ew gwil ges ha wherhin gan gwella arv? Me a'n suppos rag ma meur a'n bobel üjy o cosowes ort Kernow King o chaunjya aga bres. Gwell ew gorra a' r'erol dhe gan cara vel gan hatya ha gan casa. Endelha, tabm ort tabm e vedh egerys a vorr rag.
http://www.theguardian.com/commentisfree/2015/oct/08/cornwall-council-speak-cornish-splann?

No comments:

Post a Comment