Sunday, 16 August 2015

Ma lies gwreg gen John Jenkin

An gwers ma a veu scrifys gen John Jenkins c 1700.

Ma leeaz Greage Lacka vel Zeage. 
(Ma lies gwreg lacka vel seg,)
Gwell gerres Vell commerrez. 
(Gwell gerys vel kemerys)
Ha ma leeaz Bennen Pocare an Gwennen 
(ha ma lies benyn pecar'an gwenen)
Eye vedn gwerrez de gu Teez Dandle peath an beaz.
(I vedn gweres dhe ga thüs dendel peth an bes.)
Fleaz hep skeeanz Vedn gweel gu Seeanz,
(Flehas heb skians vedn gwil ga sians.)
Buz mor crown gy pedery Pan dall gu gwary,
(bes mar qwronjy pedery pan dall ga gwary
Ha madra ta Pandrigg Seera ha Damah.
(ha madra ta pand'wrüg sira ha dama,)
Narehanz [?] moaz dan Cooz Do cuntle gu booz, 
(na wrellons moas d'an coos de cuntel ga boos,)
Buz gen nebbes lavirrians Eye venjah dendle gu booz ha dillaz.
(bes gen nebes lavüryans ei venja dendel ga boos ha dillas.)

2 comments:

  1. Ma 3 thra obma a'm deur:

    1) Gwell gerres - an 'r' yn le 's' (pecar hag en lies erel (oll?) en Kernewek diwedhes: W Rowe et 'ga mysk). Acheson chanj an son ma a'm deur.

    2) Buz mor crown[?] gy / Bes mar qwrons anjei - era hedna 'an gy', poken, a nag ew saw 'gy' (heb 'an') ?

    3) James Jenkins po Jenkin ? Yn pub le mayth ero'vy ort y redya ev, J Jenkins ew scrifys - dell hevel, en mabmscrifow keffres - ha gwir ew fatel ew cawys an hanow teylu na en Kernow nans ew hir. Byttegens, en Bewnans Meriasek 1449/1450 ma:
    Deus omma, bacheler Jenkin,/ mir war-vann, dre'va dha vin;
    ha niver bras an hanow na yn Kernow (vel hanow Cristyon en le hanow teylu - J Daniel (Tryru), J Keigwin (Porth Enys) h.e.); ha fatel era E Lhuyd ow tos dhort Kembra, le mayth ew cawys Jenkins en le Jenkin dre vras (et an Soth dhe'n lyha) ... da via gena'ma (dre recordys an bluw, metesen) godhvos heb dhowt et y gever ev. Ny vern poran byttegens dhe'n tavas!

    Th'ew drog-cher an rim nebes vel an liver Proverbs, po Ecclesiastes !

    (FSS)

    ReplyDelete
    Replies
    1. Oops, (3) John Jenkin/s. :-)

      (Aswonys en scol gena'ma era nebonan James Jenkins!)

      Delete