Tuesday, 21 July 2015

Chris Parkinson: Sea and Shore Cornwall gen Lisa Woollett

Lever teg ew hebma.
Daswel gen Chris Parkinson

Sea and Shore Cornwall gen Lisa Woollett, £14. 99, Zart Books 2014

Lever pur blegadow ew, neb a wrüga vy gweles en kensa le en chei gan mergh nei en Ashe. Nag era dhebm termyn ena dh’y redya ha dhe stüdhya oll an fotos, ytho res o cawas copy raga vy o honan. Ma an lever ma o tiscüdha bes marthüs gan kerhydnedh mor nei’ medh blurb Wildlife Trust Kernow war forrel keyn an lever. Gwir ew hebma, heb dowt! Ma an scrifores, ew fotografores gwenhes ewedh, o mires ort pajar grügys (zones) an morrep, o senjy never i) an mor y honan. An re erel ew:
ii) strandlines and beaches 
iii) rocky shores and rockpool
iv) sandy shores and the sea bed,
bes fatel ellama scrifa an re ma en Kernôwek? ‘An mor’ ew esy!! Fatel ort
ii) linednow morlenel ha trethow
iii) morrebow meynek ha pollednow
iv) morrebow tewesek ha gwyly an mor
Bes nag ew an fotos ha’n scrifow adro dhe’n grügysow ma en peder radn diberthys e’n lever. Ma anjei apperya òbma hag ena, warlergh sians an scrifores. Whei a vedh sowdhenys pub volen, gen pyctours ogas a veyn bian war an treth, po todnow hûjes an mor broas.
Ma dhe les dhen boas an scrifores understondya pegebmys broas ew mater an tavas. Ma hei o rei samplys dort A Glossary of Cornish Seawords gen R.M. Nance. Ewedh, hei wrüg scrifa tabm bian perthynek a story an tavas. (v.139.) Caroryon an mor ha’n tavas, whei ra enjoya an lever ma!

Gerva: plegadow – pleasing; discüdha - to reveal; marthüs – wonderful; kerhydneth – environment; forrell – cover; gwenhes – gifted; grügys, grügyssow – belt, zone; morrep, morrebow – seashore, coast; o senjy – including; linen, linednow – line; morlenel – hightide; pollen (f) pollednow – rockpool; tewesek – sandy; diberthys – separated; sowdhenys – surprised; todn, todnow (f) - wave; dhe les – of interest; pegebmys – how much; perthynek – relevant; caror, caroryon – lover.
N.B. pollen and todn are feminine nouns. Remember them!

No comments:

Post a Comment